Mary Zompetti í Populus tremula

Laugardaginn 26.4.2014 opnaði bandaríska listakonan Mary Zompetti mjög góða sýningu í Populus tremula ( http://poptrem.blogspot.com/2014/04/mary-zompetti-synir.html ).
Einsog alltaf þegar við fáum útlendinga í heimsókn sjáum við eitthvað nýtt og ferskt, þess vegna er nú Gestavinnustofan nauðsynleg fyrir Akureyrarmenninguna. En við þökkum fyrir okkur.

Thoella heimsækja Populus

Þau Sigríður Ella Frímannsdóttir og Þórarinn Örn Egilsson opnuðu þessa líka fínu ljósmyndasýningu í Populus tremula laugardaginn 19.4. 2014 undir yfirskriftinni Thoella ( sjá : http://poptrem.blogspot.com/2014/04/thoella-ljosmyndasyning-um-paskana.html ). Fjöldi fólks lagði leið sína í Populus þó veðrið væri á báðum áttum, þetta var skemmtilegt og við þökkum fyrir okkur.

Bóleró, Blús, Bræðurnir Forte . . . .

Laugardaginn 12.apríl opnaði Kristján Pétur Sigurðsson sýningu í Populus tremula undir yfirskriftinni Bóleró, Blús, Bræðurnir Forte. . . Við opnun söng Kristján Pétur einnig nokkur lög og kynnti útgáfu á hljómdiski sínum TVÖ LÖG. Þetta var ákaflega gaman allt og skemmtilegt í væntanlegri vorblíðunni.