Guðmundur Ármann sýnir í Populus tremula

Hinn síungi listamaður Guðmundur Ármann opnaði þessa líka flottu sýningu í Populus tremula laugardaginn 25.janúar 2014. Sýningin bar yfirskriftina Nærlönd ( sjá: http://poptrem.blogspot.com/2014/01/gumundur-armann-synir.html). Fjöldi fólks kom að sjálfsögðu á opnun þar á meðal syngjandi karlakór. Þetta var gaman og Populus þakkar fyrir sig.

Mannfólkið breytist í slím

Árið 2014 byrjaði með látum í Populus tremula. Ljósmyndarinn knái Daníel Starrason og félagar hans héldu bæði myndlistarsýningu og tónleika 3.-4. janúar. Á föstudagskvöldinu komu fram Þorsteinn Kári, Á Geigsgötum, Buxnaskjónar og Helgi og Hljóðfæraleikararnir. Á laugardagskvöldið komu fram Impetus, Concubine, Aska og Hindurvættir.

Sýnendur voru Daníel Starrason, Karólína Baldvinsdóttir, Jón Arnar Kristjánsson og Úlfur Bragi Einarsson.

Myndirnar flestar tók Daníel. Populus þakkar fyrir.