Ferðin til Akureyrar

Laugardaginn 26.7.2014 opnaði danska listakonan Anne Straarup mjög góða sýningu í Populus tremula undir yfirskriftinni Ferðin til Akureyrar. Við opnunina bryddaði Anne upp á þeirri nýbreytni, sem er þó til eftirbreytni, að segja svolítið frá tilurð myndanna og merkingu. Við Populusgestir þökkum fyrir okkur.

Ljóðleikar

Laugardagskvöldið 19.júlí flutti Steinunn Arnbjörg Stefánsdóttir okkur yndæla ljóðleika. Hún las eigin ljóð og spilaði á selló og söng sín lög og einnig eftir Jacques Brel. Þetta var gaman.

Æfingar í Populus tremula

Laugardaginn 19.júlí opnaði Ingiríður Sigurðardóttir ljómandi góða sýningu, sem hún kallaði Æfingar, í Populus tremula. Úti ringdi en inni skjól.