Sulupop

Bara að athuga hvort þetta virkar. Án þess að spyrja um leyfi ætla ég að henda þarna inn Populusmyndum. KP

Nu andar norðrið

Norðrið er síblásandi

Vakningin er komin nú er að leggjast á árarnar piltar og taka á...

Pop pano er vöknuð

nú andar suðrið

sælir piltar.

alsæll í bænum nema dottinn í sama fjandans vinnubrjálæðið og undanfarin misseri. hafði ætlað að slaka á klónni þar. vinn í að breyta því.
hef engu að miðla akkúrat núna en datt í hug að rigga upp færslu til að halda panódílnum við...
hittumst alla vega um páska ef svo fer sem horfir.

MainsTone

Hvað ætlarðu að verða þegar þu verður stor

ég ætla að verða bassaleikari eins og þessi - http://www.youtube.com/watch?v=-vIDdtztGVM&mode=related&search=

Captain Beefheart er snillingur sem ekki hefur verið gert nóg af hampa hér á landi - en í þessu klippi má sjá eitt magnaðasta fyrirbrigði - bassaleikara / hljómborðsgúrú sem jafnvel slær bróður Hjálmari við í fræðunum - en þá bara í skyrtufræðunum - mat verður hver og einn að leggja á hljómborðssólóinn sem mér fannst Hjálmar toppa á laugardaginn var.

Þakka enn og aftur fyrir mig síðan þá og á hver og einn Populingur dágóðan skammt (jafna þó) af því þakklæti.

Félagi Gwendr

Lifið heil - eða heilir

Hér má sjá comment inn af heimaröfli Meistara mainstone sem vert er að predika inn á óráðshjali okkar, hvar lífið er að hverfa út í ystu myrkur sakir bloggleti félagsmanna.


Matvælaverð og íslenskur veruleiki.

Maður verður á örstuttu augnabliki að velta fyrir sér hver fitnar af matvælaverðinu. Enginn hefur kvartað hingað til yfir verðinu heldur hamast menn við að versla inn trekk í trekk og börnin fitna, við fitnum og eigendur verslananna fitna.

Nú er verið að tala um að einhverjar sértækar aðgerðir eigi eftir að lækka matvælaverð ef mafíósar matvörumarkaðarins leggja ekki álögur á sem gera þeim kleift að fitna enn meira. Hvað er málið?

Félagar - ég hefi valið David Bowie heróinkúrinn, mínus heróinið og kemur hann hérmeð fyrir sjónir almúgans.

1 pakki marlboro
3 lítrar kaffi
2 ltr vatn (óblandað)

Þessi dagskammtur getur valdið skjálfta framan af degi og oft á kvöldin, getur valdið svefnleysi og tíðum þvaglátum en - vá hvað maður verður skorinn og baugarnir litríkir.

Baugarnir eru jú skreyting karlmanna á Íslandi sem meta vinnusemi framar öðru og vísir að svefnleysi hlýtur að tákna iðjusemi.

Gwendr næringarþerapist Xtraordiner

p.s. nýtt póstfang populinga er poptrem@gmail.com - sendið mail á gwend til að nálgast password.

vantar húsnæði um páskana!

asvs kvabbar:

jæja. orðinn húsnæðislaus á Akureyri og þarf að vera fyrir norðan um páskana. stefnan sett á sýningu í Deiglunni og halda uppá aldarfjórðungs starfsafmæli í myndlistarbransanum.

semsagt: ef þið vitið af húsnæði sem þarf að gæta eða stendur tómt um páskana er ég reiðubúinn! eða þolanlega gistingu á viðráðanlegu verði. verðum tvö á ferð, líklega norður á skírdag og heim á annan páskadag. samt ekkert verið neglt í því.

látið mig endilega vita ef ykkur dettur eitthvað í hug.

Populus Publishing Ltd.

félagi A tilkynnir:

Á koppin er komið enn eitt dótturfélag Populus tremula samsteypunnar.
Til viðbótar fyrri starfsemi er útgáfufélagið komið í fulla fúnksjón. Fyrsta verkefni er bók sem koma mun út í 100 tölusettum eintökum þann 16. febrúar nk. Kvæði eftir Jón Laxdal Halldórsson.

Auk þess liggur fyrir að vilji er til að halda áfram og stefna að því að undir vorið verði ritin orðin minnst fjörgur talsins.

Undirritaður er sannfærður um að þetta sé spennandi og gott framtak sem mælast muni vel fyrir. og spái því að ritin munu verða eftirsóttir gripir þegar fram líða stundir og halda merkinu á lofti um ókomna tíð.

Svo er bara að halda áfram undirbúningi við stofnun Populus Airways...

Er Presley á lífi og semur um hunda ?

Sá á Populus Tremulavefnum að Dean Farrell ætlar meðal annars að spila verk eftir Elvis Presley, sem fjallar um hunda. Það eru stórkostleg tíðindi . Elvis hefur þá farið að semja eftir að hann fór heim, einsog sagði í Men in black part 1. Meðan Elvis var hér samdi hann ekkert svo vitað sé og alls ekki um hunda, hann er skrifaður meðhöfundur að tveimur lögum Heartbreak Hotel, sem var samið af svo óþekktu fólki, að þau urðu að leifa kónginum að deila höfundarlaunum, og Love me tender, sem er amerískt þjóðlag sem enginn átti höfundarrétt að. Það eru því mikil tíðindi að nú muni - væntanlega frumflutt - í Populus Tremula verk eftir Elvis Presley.
Því miður missi ég af þessu, verð á Sauðárkróki hjá tengdó, en væntanlega munuð þið sem heima sitjið kalla til sjónvörp og heimspressu til að skrásetja svona alheimsviðburð.
Chriztján

Ég er sannur listunnandi...

Ég vil byrja á að bjóða í stærsta verkið sem verður á brunaútsölu Aðalsteins Svans, það stærsta segi ég og skrifa - vil ekki vita hvernig það lítur út, hvort að það hreyfi við mér eða mínum - heldur ætla ég að leggja fram boð í samræður gegn verki þessu og athuga hvort að listkaupi (ég) og listgerandi (M'ain'tSton'd) getum ekki orðið ásáttir um að sá síðarnefndi sé í magni meiri gæði en oft er magn ekki sama og gæði nema að gæði séu í gegn og óháð magni.

Nema að Magni sé

Gwendr (félagi/bróðir)

Tímamótaundirskriftamenn

Á tuttugastaogníundanum var alldeilis fjör og fínlegheit í Populus Tremula, þá komu og undirskriftamenn saman og skrifuðu undir jólakveðjurnar og áramótaheitin.

Heyrumst heilir KP

tuttugastiogníundinn

"Cavemenn og kona spila og syngja einog englar í kveld í Populus Tremula"
( úr kalkúnainnyflaspá Kristianovich Piotr )

Gleðileg jól!

Jæja félagar!
Nú er dasið eftir sextándann orðið of langt og kominn tími á að setja inn nýja færslu. Þannig að:

Sendi Populus Tremula mönnum öllum nær og fjær, fyrrverandi og núverandi, ásamt og spúsum þeirra, niðjum og öðrum ættingjum hugheilar og hjartkærar jólakveðjur. Óska svo allri hersingunni velfarnaðar á komandi árum, og þakka samverustundirnar á því liðna.

á sextándanum

Bróðir Davíðs á tröppum Davíðshúss og félagi formaður A hugsar um kaffi í eldhúsi skáldsins

Samsteypumenn í Kalda og jólasveinar í Freyjulundi

Davy

legg til að í Davíðshúsi fari hver meðlimur samsteypunnar fyrir sig með minnst eitt kvæði eftir kallinn!

asvs

Gátan mikla

hvað þýðir þetta?

Oft mun þerna brúkið breiða
barna og kerna smiða fró
er í sperna gota greiða
gránstóð verna úr höfuð skóg

Málfræðingar hafa lengi deilt um hvernig orð eins og barn, kerra og vera beygist í eignarfalli fleirtölu. Enginn hefur ennþá fært endanleg rök fyrir hinni einu réttu beygingarmynd. Þetta er (rit)listarpistils virði.

örstuttumhvorteftilvillmuniþurfasmáfund

hvað haldið þið félagar um að funda smá á miðviku eða fimmtudagskveld t.d. til að spjalla smá um sextándann og æfa svosem einsog eitt númer til að fíra af í Freyjulundi ?
Chriztján

Hver er 5. jólasveinninn?

Þ.e.a.s. sá sem kemur til byggða 16. desember?
Það skiptir svosum ekki máli.
Hvað sem hann gefur okkur í skóinn, þá verður það hvort eð er ekkert miðað við þann glaðning sem við gefum sjálfum okkur. Ég tel miklar líkur á að Sextándinn verði magnaður í ár.
Nú það er kannske réttast að skjalfesta tillögurnar frá því í gærkvöldi og fá að heyra hvernig miðar að heyra í þeim sem þarf að heyra frá.
S.s. þessar voru tillögurnar ef ég man rétt:

Davíðshús skoðað hátt og lágt og kynnt fyrir Menningarsamsteypunni. Sameiningarkostir athugaðir. Málið er þegar komið í feril.
Fjárfestingarmöguleikar í bjórverksmiðju á Litla-Árskógssandi kannaðir. Hugað að viljayfirlýsingu um áframhaldandi samstarf milli verksmiðjunnar og samsteypunnar.
Undirritaðir rammasamningar við Jón og Öllu í Freyjulundi. Viðurkenningar veittar fyrir framúrskarandi framlag til frambúðarframfara.

Að sjálfsögðu ökum við um á fínustu dróssíu um svæðið, sem Papa ætlaði að redda. Að vísu hefur Gwendr boðist til að gerast ökuþór, svo framarlega sem hann hafi til þess kerru. Sé það ákveðið getum við skorið niður í ferðaliðnum og eytt meiru í vín og villtar meyjar.

Hvernig gengur svo að redda öllum þessum herlegheitum?
Kv, Hjálmar

viðskiptahugmynd nr. 2

asvs viðrar hugmynd:

ég er með brilliant viðskiptahugmynd sem þið hjálpið mér að útfæra. útgáfa veglegrar bókar.

innihald bókarinnar yrði dagatal fyrir alla 21. öldina. gæti t.d. flett upp hvort Atli minn verður sjötugur á mánudegi eða þriðjudegi... skilst reyndar að þetta sé allt hægt að nálgast á Netinu en hef ekki skoðað það.

aðalbrellan væri hinsvegar að fylla dagatalið af upplognum staðreyndum um hvað gerðist hinn eða þennan daginn. dæmi:
11. apríl 2014, innrás Færeyinga í Ísland lauk með því að Gísli Marteinn, forsætisráðherra Íslands, tilkynnti algjöra uppgjöf Íslendinga.
eða:
9. júní 2032, Davíð Oddson lést.
eða:
29. nóvember 2009: Arnar Tryggvason fasteignasali keypti Icelandair og fyrirskipaði að reykingar yrðu leyfðar í öllum vélum félagsins. bakhjarl Arnars var Menningarsamsteypan Populus tremula group.

önnur helgi

asvs spyr:

helgina 9. og 10. des. verður hjá mér gestur sem hefur heyrt mikið af sveitinni látið en aldrei heyrt í henni.
verður ekki örugglega æfing um það leyti?

hann lifir!

svo það sé á hreinu.
sjá: http://en.wikipedia.org/wiki/Muhammad_Ali

þar segir m.a.:
He received the Presidential Medal of Freedom at a White House ceremony on November 9, 2005,[2] and the prestigious "Otto Hahn peace medal in Gold" of the United Nations Association of Germany (DGVN) in Berlin for his work with the US civil rights movement and the United Nations (December 17 2005).

hafi kallinn drepist 2002 er þetta hrein andstyggð. auk þess er dánardægurs hvergi getið á Wikipedia. Muhammad Ali lifir!

þess skal getið að fél. asvs ritaði.