1. Litla Ljóðahátíðin í Populus 3.4.009

Helgina 3.-4. apríl 2009 var stórmerk ljóðahátíð í Populus Tremula, skipuleggjendur eru ákaflega hæverskir og gáfu fyrirbærinu nafnið " Litla Ljóðahátíðin ".
Fyrra kvöldið lásu kanónurnar, Jón Laxdal, Þórarinn Eldjárn og Ingunn Snædal upp úr verkum sínum og Eiríkur Örn Norðdahl sendi vídeóljóðagjörning.
Aðsókn var góð og gerði fólk góðan róm að skáldskapnum og flutningnum.

Hallmundur Kristinsson. Gamalt og Nýtt

Hallmundur Kristinsson opnaði sýninguna Gamalt og Nýtt í Populus Tremula laugardaginn 28.mars 2009, ( en hann hefur ekki sýnt í allt of mörg ár ). Einnig mætti hann með kreppuvísnakver, en Hallmundur er hagyrðingur góður.

Sína æru sérhver metur.
sum eru ótrygg veð.
Fellur allt sem fallið getur,
fjárhagslega séð.

Ólafur Sveinsson í Populus Tremula 21.3.009

Ólafur Sveinsson opnaði sýninguna " 45 " í Populus Tremula laugardaginn 21.3. 2009.
Góð sýning og góð aðsókn í góða veðrinu.

Joris Rademaker í PopulusTremula 14.3. 009

Hollendingurinn fljúgandi knái, Joris Rademaker, opnaði enn eina stórgóða sýningu í Populus Tremula laugardaginn 14.3. og í þetta sinn gaf hann einnig út bókina SamSpil hjá Populus Limited Publishig ( einsog gárungi einn kallar bókaforlag Populus Tremula).
Fjöldi var við opnunina, fólk á öllum aldri.

Kiddi & Friday Night Idols í Populus Tremula.

Laugardagskvöldið 28.2.009 spiluðu annarsvegar trúbadúrinn Kiddi með hjálp vina í nokkrum lögum og tveggja manna bandið Friday Night Idols sína lágstemmdu tónlist í Populus Tremula kjallarahöllinni. Þetta voru góðir tónleikar upprennandi tónlistarmanna og bara gott um það að segja.