populus panodil

Solla og Erwin í Populus

2012-02-09T14:56:00.001Z

Þann 21.janúar opnuðu þau Þóra Sólveig Bergsteinsdóttir og Erwin van Der Werve sýninguna Close Horizons í Populus Tremula sjá ; http://poptrem.blogspot.com/2012/01/close-horizons-h-21-22-jan.html

Þrándur Þórarinsson

2012-01-30T08:20:00.001Z

Laugardaginn 28.janúar 2012 opnaði Þrándur Þórarinsson stórgóða málverkasýningu í Populus Tremula. Þrándur málar í anda gömlu meistaranna og gerir það listilega. ( sjá : http://poptrem.blogspot.com/2012/01/randur-orarinsson-synir-28-29-jan.html ).

Rokktónleikar í Populus

2012-01-29T22:43:00.001Z

Föstudagskvöldið 27.janúar voru frábærir rokktónleikar í Populus Tremula. Þrjár hljómsveitir stigu á svið. Hin frábæra hljómsveit Hellvar, sem er að sunnan, reið á vaðið, þvínæst okkar fólk í hinni þéttu Myrká, og að lokum Helgi og Hljóðfæraleikararnir, sem alltaf er jafn skemmtileg sveit og ekki skyggja hinir einlægu aðdáendur hljómsveitarinnar á fjörið. Takk fyrir.

Ívar Hollanders í Populus Tremula 7.1. 2012

2012-01-08T12:11:00.001Z

Fyrsta sýning í Populus Tremula á því herrans ári 2012 var ansi minimalístísk, en táknræn fyrir nýafstaðið jóla og áramótabruðl. Það var hinn ungi listamaður Ívar Hollanders sem átti heiðurinn af þessari skemmtilegu innsetningu.

Áramótauppgjör 2011

2012-01-02T22:55:00.001Z

Föstudagskvöldið 30. desember var Áramótauppgjör Populus Tremula 2011 haldið í höfuðstöðvunum. Mikið fjör. Fram komu Konni og Kombó hans, Gummi og Kristján, Þura og Bárður, Heflarnir, SvefnPurrkur og Spector. Góð mæting og stemming.

Nú á ég hvergi heima og Bazar

2011-12-11T18:03:00.001Z

Laugardaginn 10.desember opnuðu Jóna Hlíf Halldórsdóttir og Hjálmar Stefán Brynjólfsson stórskemmtilega sýningu í Populus Tremula undir yfirskriftinni :” Nú á ég hvergi heima “. Sama dag var fyrsti dagur í hinum árlega jólabazar Helga og Beate með tilheyrandi tískusýningu og fjöri.

Ljóðakvöld í Populus Tremula

2011-11-28T12:14:00.001Z

Laugardagskvöldið 26.11.2011 var í ljóðamerkinu. Þá flutti Eyþór Árnason okkur ljóðadagskrá. Hann gekk einn um svið í tvo klukkutíma og flutti sín ljóð og pista, án þess að áheyrendur færu að geyspa. Frábært.

Habbðu kærar þakkir.

Ókyrrð í Populus Tremula

2011-11-28T07:53:00.001Z

Laugardaginn 26.nóvember 2011 opnaði myndlistakonan Sigrún Guðmundsdóttir skemmtilega og stórgóða sýningu í Populus Tremula og bar sýningin yfirskriftina Ókyrrð http://poptrem.blogspot.com/2011/11/myndlistarsyning-og-ljoakvold-26-nov.html .

Takk fyrir

Aðalfundur Populus Tremula samsteypunnar

2011-11-27T17:09:00.001Z

7.Aðalfundur Populus Tremula samsteypunnar var haldinn í höfuðstöðvunum 25.11.2011. Hér má sjá aðalfundarmenn við hin ýmsu hefðbundu aðalfundarstörf.

Norðan suðið, ljóð í Populus Tremula

2011-11-14T07:23:00.001Z

Laugardagskvöldið 12.nóvember renndu að sunnan í hlað Populus nokkur ljóðskáld og mættu þar kollegum sínum að norðan. Einsog segir í : http://poptrem.blogspot.com/2011/11/noran-sui-ljoadagskra-ann-12.html . Úr þessu varð hin besta skemmtun.

Jón Laxdal sýnir Bækur í Populus Tremula

2011-10-23T22:11:00.001Z

Laugardaginn 22.10.2011 opnaði Jón Laxdal Halldórsson sýningu á nýjum bókverkum í Populus Tremula. Einsog búast mátti við frá Jóni var sýningin stórgóð og skemmtileg. Fjölmargt fólk kom á opnun enda gildagur og gleði í hverri kompu þrátt fyrir háskaleg niðurskurðaráform bæjarins yfirvalda á umsvifum í gilinu. En listin blómstrar nú samt.

Mellamyndir 1.10.2011

2011-10-01T21:32:00.002Z

Ljósmyndarinn Sigurður Gunnarson opnaði stórgóða sýningu í Populus Tremula laugardaginn 1.10. Sýningin bar yfirskriftina Mellamyndir sjá http://poptrem.blogspot.com/ og er hressandi innlegg í lífsbaráttuna.

Joris Rademaker á Akureyrarvöku

2011-08-29T09:02:00.001Z

Hollendingurinn knái Joris Rademaker hóf haustvertíðina í Populus Tremula með stórgóðri sýningu sem hann tileinkaði minningu Papapopulus, Sigurðar Heiðars Jónssonar. Opnun sýningarinnar sem nefndist: “ Milli tilvistar og tilveru “ bar upp á Akureyrarvöku 27.ágúst 2011. Það var opnun í hverju skúmaskoti í gilinu fjör og fínerí. Við opnun Jorisar spilaði Kristján Pétur lög eftir annan hollending, sem Papapopulus hélt mikið uppá, Cornelis Vreesvijk, sem hollendingar staðhæfa að sé borið fram Fresvæk en ekki þetta sænska Vresvik. Semsagt enn einn toppur í Populus og nágrenni.

Myrká streymir um Populus

2011-08-01T09:09:00.001Z

Rokksveitin Myrká hélt dúndrandi tónleika í Populus Tremula laugardagskvöldið 30.7. 2011.

Minningarkvöld um Papapopulus

2011-06-20T12:44:00.001Z

Öðlingurinn Sigurður Heiðar Jónsson er fallinn frá. En orðstýr deyr aldregi. Laugardagskvöldið 18.6. 2011 var haldið hið fyrsta minningarkvöld um Papapopulus hinn eina og sanna. Mörg voru atriðin í Populus Tremula þetta kvöld og öll vorum við komin til að hafa gaman að einsog Papa vildi hafa það. Stjarna kvöldsins var tvímælalaust ungur sonarsonur Sigga, sem spilaði bæði Bach á gítarinn og söng og spilaði Metalicu.

Takk bræður og systur.

Aðallega konur í Populus Tremula !

2011-06-20T11:53:00.001Z

Þjóðhátíðardaginn 17.júní var opnuð sýning í Populus undir yfirskriftinni Aðallega konur. En konur voru í öruggum meirihluta sýnenda. Við Populusmenn höfum bent á að allar konur í Populus séu aðallegar.

Steini í Populus Tremula

2011-06-05T18:02:00.001Z

Þorsteinn Gíslason alias Steini opnaði skemmtilega málverkasýningu í Populus Tremula laugardaginn 4.6.2011. Steini hefur einkum verið kunnur af verkum af nýlistarlegum toga, en hvarf ögn til upprunans með þessari sýningu, sem bar yfirskriftina “ Án titils “ en myndirnar hétu allar eitthvað einsog t.d. “ Norrænt velferðarlandslag “ og “Eyja” 1, 2 og 3. Sem sagt gaman.

Heather Passmore í Populus Tremula

2011-05-29T11:18:00.001Z

Kanadíska myndlistakonan Heather Passmore opnaði mjög áhugaverða sýningu í Populus Tremula laugardaginn 28.maí 2011. Heather sem dvalist hefur í Gestavinnustofu Gilfélagsins byggði sýningu sína á myndum sem hún hefur teiknað á höfnunarbréf og einstaka JÁbréf, sem hún hefur fengið á listferlinum. Thank you Heather.

Hjördís Frímann í Populus

2011-05-22T09:56:00.001Z

Laugardaginn 21.5.2011 opnaði Hjördís Frímann alldeilis stórskemmtilega sýningu í Populus Tremula undir yfirskriftinni Fortíðarþrá-Endurunnin málverk. Það var einsog að ganga inn í bestu stofuna á miklu menningarheimili.

Haraldur Ingi í Populus

2011-05-14T19:19:00.001Z

Haraldur Ingi Haraldsson opnaði flotta sýningu í Populus Tremula laugardaginn 14.5.2011. Sýningin bar yfirskriftina CodHead 7 og fjallaði um hugmynd Haraldar um Þorskdóminn / Guðdóminn. Þetta var náttúrlega bráðskemmtilegt og Kristján Pétur brast út í söng og gítarspil.

Ragnar Hólm í Populus

2011-05-08T11:42:00.002Z

Laugardaginn7.5.2011 opnaði Ragnar Hólm mjög fína sýningu á vatnslitamyndum í Populus Tremula undir yfirskriftinni “Birtan á fjöllunum”. Það var Gildagur, mikið um að vera í hverri holu í gilinu, fjöldi fólks á vappi að skoða og sýna sig. Mikið skrafað og skeggrætt og dreypt á dáyndisveigum. Gott mál.

Jude Griebel í Populus Tremula

2011-05-01T21:23:00.001Z

Laugardaginn 30.4. 2011 var opnuð sýning kanadíska listamannsins Jude Griebel á olíumálverkum og teikningum í Populus Tremula. Sýningin bar yfirskriftina Afterlife og listamaðurinn hafði sem sé beðið vini sína að segja frá hvernig þeir sæu fyrir sér að vera eftir dauðann og málað það. Listamaðurinn gat ekki komið á opnunina en sendi verkin frá Kanada og mikill var höfuðverkurinn að ná þeim frá hinni hugumstóru íslensku tollþjónustu. En það leystist og var fyrirhafnarinnar virði því þetta var flott sýning.

Birgir Sigurðsson með páskasýninguna

2011-04-27T15:54:00.001Z

Á skírdag 21.4.2011 opnaði Birgir Sigurðsson almenningi aðgang að ljósverkinu Lífið vs. Lífið í Populus Tremula. Sýningin lýsti alla páskahátíðina. Ansi flott.

- 40 afmæli Kristjáns Péturs

2011-04-27T15:40:00.001Z

Populusmaðurinn Kristján Pétur Sigurðsson hélt uppá – 40 ára ( miðað við heilt hundrað ) afmæli sitt í Populus Tremula 16.4.2011. Það var etið, drukkið, tjúttað, twistað, sjeikað, rokkað og rúllað á rósum.

Myndavöndull er hérna

Arna Valsdóttir og Billie Holiday

2011-03-13T16:04:00.001Z

Arna Valsdóttir sýndi vídeóverkið Staðreynd 3 í Populus Tremula helgina 12.-13.mars 2011. Verkið er óður til Billie Holiday ( Lady sings the blues ). Arna tók upp verkið og söng í húsakynnum Populus og er það alveg mögnuð veisla fyrir augu og eyru.

Takk Arna.

Verund endurvinnsla - FM2H08

2011-02-26T11:11:00.002Z

Fyrsta og annars árs nemendur Fagurlistadeildar Myndlistaskóla Akureyrar settu upp sýningu með þessarri yfirskrift í Populus tremula og teygðist sýningin alla leið uppá ganginn á hæðinni fyrir ofan oss. Herlegheitin opnuðu föstudaginn 25.febrúar. Allt var endurunnið undir styrkri stjórn Aðalheiðar S Eysteinsdóttur og mátti af sýningunni sjá að nemendur og kennari höfðu skemmt sér vel við verkið.

Hallgrímur Ingólfsson í Populus Tremula

2011-02-21T14:48:00.001Z

Laugardaginn 19.2.2011 opnaði Hallgrímur Ingólfsson sýningu á nýjum akrílmálverkum í salarkynnum Populus Tremula. Mikið fjölmenni kom á opnunina, enda um skemmtilegar myndir að ræða.

Andrea Weber í Populus Tremula

2011-02-09T17:36:00.001Z

Fransk/þýska listakonan Andrea Weber opnaði innsetninguna Cinderella through the Air í Populus 22.1.2011, sömu helgi var hún með aðra innsetningu í Galleri +. Andrea hefur gist Ísland undanfarna mánuði fyrst á listamiðstöðinni á Skagaströnd og svo á Seyðisfirði, þó ekki verið hér svo lengi að dvölin hafi barið úr henni litagleðina. Hið besta mál.

Addi40

2011-01-10T14:38:00.001Z

Populusmaðurinn og hljómborðsleikarinn geðþekki unglingurinn Arnar Tryggvason, hélt upp á afmæli sitt í PopulusTremula 8.-9.1 2011. Margt stórmenna úr poppinu lét sig ekki vanta. Þarna voru meðal annarra Dolly Parton og Axl Rose, Slash og Björk, Ozzy og Janis, John og Yoko, Bubbi og Amy Winehouse, Eiríkur Fjalar, Cher, James Hetfield ( újeah ), Hvanndalsbræður og Marlyn Monroe kom og söng afmælissönginn einsog hún söng fyrir Kenndy forðum. Þetta var söngur glaumur og gleði.

Miklu fleiri myndir frá gleðskapnum er að finna hér

Áramótauppgjör 30.12.

2011-01-05T10:54:00.001Z

Í Populus Tremula var hið árlega áramótauppgjör haldið 30.12. Að þessu sinni var dagskráin fjölbreytt að hætti hússins. Ýmsir meðlimir hins gamla húsbands stigu á svið með með hinum og þessum og eingöngu voru spiluð góð lög ýmist frumsamin eða ekki. Kombó Konna Bartch reið á vaðið, þá Bræðra-og Frændabandið, svo Dúó Kristjáns og Guðmundar og að lokum hefluðu Heflarnir yfir samkomuna. Semsagt prýðisgott.

Georg Óskar í Populus

2010-12-19T22:30:00.001Z

Laugardaginn 18.12.2010 opnaði Georg Óskar Manúelsson stórskemmtilega sýningu í Populus Tremula. Fjörlegar teikningar og málverk og pírumpár á striga, sór sig svolítið í ætt við graffíti-list. Hressandi í skammdeginu. - Sömu helgi var að sjálfsögðu jólabazar Beate og Helga á sama stað. - Gaman í gilinu.

Beate og Helgabazar

2010-12-15T15:07:00.001Z

Nú er desember, mánuður Bazars Beate og Helga frá Kristnesi í Populus Tremula. Allar helgar í mánuðinum og síðustu dagana fyrir jól eru þau ásamt fleirum með sinn fína varning til sölu og sýnis. Sannarlega upplyfting í skammdeginu. Laugardaginn 11.12.2010 voru þau heillahjónin með tískusýningu á sinni flottu hönnun og saumaskap, það var og fyrsti í jólatrjásölu og bara gaman að vera á Populussvæðinu.

Rósa Sigrún í Populus Tremula

2010-11-28T11:45:00.001Z

Laugardaginn 27.11.2010 opnaði Rósa Sigrún Jónsdóttir mjög skemmtilega sýningu í Populus tremula, hvar leikið var með fíngerðan vefnað, ljós og skugga undir yfirskriftinni “Hvað er að konunni ?”. Við þökkum fyrir okkur.

Hási Kisi í Populus Tremula

2010-11-26T16:04:00.001Z

Föstdagskvöldið 19.11.2010 fékk Populus Tremula góða heimsókn að austan. Það voru meðlimir ljóðafélagsins Hása Kisa á Héraði ásamt gestum og sérstökum Akureyrargesti frá Hrísey. Fluttu þau ljóð sín af gáska og hæfilegri alvöru svo úr varð mjög notalega kvöldstund.

Takk fyrir

Rögnvaldur gáfaði í Populus Tremula

2010-11-14T08:02:00.001Z

Laugardaginn 13.11.2010 opnaði Rögnvaldur Bragi Rögnvaldsson alias Rögnvaldur gáfaði sína fyrstu málverkasýningu. Það kyngdi niður snjó og þungfært var um bæinn, en Populuskjallarinn góði var vin í snjóeyðimörkinni. Þetta voru glaðlegar myndir og gaman að vera inni.

Gamli Elgur í Populus Tremula

2010-10-31T17:01:00.001Z

Gamli Elgur alias Helgi Þórsson opnaði að vanda stórskemmtilega málverkasýningu í Populus Tremula 30.10.2010. Sá Gamli málaði smalastúlkuna og aðrar stelpur í umhverfinu af alkunnum gáska. Við opnunina söng listamaðurinn nokkur splunkuný lög.

Sonja Lotta í Populus

2010-10-25T14:59:00.001Z

Svissneska listakonan Sonja Lotta, sem hefur undanfarnar vikur dvalist í gestavinnustofu listagilsins, opnaði stórskemmtilega sýningu í Populus Tremula laugardaginn 23.10.2010. Sonja vann öll verkin meðan á dvöl hennar á Akureyri stóð.

YST í Populus Tremula

2010-09-12T22:26:00.001Z

YST Ingunn Svavarsdóttir opnaði ansi fína sýningu föstudaginn 10.sepember. Sýningin bar yfirskiftina “ Út úr myrkri “.

Jared Betts í Populus Tremula.

2010-09-05T10:00:00.001Z

Laugardaginn 4.9. 2010 opnaði Kanadamaðurinn Jared Betts stórskemmtilega málverkasýningu í sal Populus Tremula. Jared hefur dvalist í Listamiðstöðinni á Skagaströnd undanfarið sumar og málað þar þær myndir sem hann sýndi í Populus. Því miður áttu sárafáir leið um gilið í haustblíðunni þennan laugardag ( kanski menningarþreyta eftir Akureyrarvöku helgina áður ), en það var synd því þessi sýning var hressilegur sumarauki. Takk Jared.

Arnar og Gunnar sýna Steypu

2010-08-31T08:44:00.001Z

Fyrsta sýning vetrarins í Populus Tremula opnaði á Akureyrarvöku 28.8.2010. Það voru þeir félagar Arnar Tryggvason og Gunnar Kr. Jónasson, sem sýndu verk sem unnin eru úr steinsteypu. Þetta var að sönnu flott hjá strákunum.

Samúel Jóhannsson í Populus Tremula.

2010-05-24T09:18:00.001Z

Laugardaginn fyrir hvítasunnu 22.5.2010 opnaði Samúel Jóhannsson, sá eini og sanni, stórskemmtilega sýningu á akryl- og vatnslitammyndum í Populus Tremula. Það var sól og vor í lofti og lítið um depurð og drunga.

Maja Siska sýnir í Populus Tremula

2010-05-16T12:42:00.001Z

Laugardaginn 15. maí opnaði Maja Siska flotta sýningu í Populus Tremula. Sýningin bar yfirskriftina RT10 og teygði sig alveg fram á gang. Gaman og takk.

Litla Ljóðahátíðin ; laugardagskvöld

2010-04-18T18:17:00.001Z

Laugardagskvöldið 17.4. var framhald á Litlu Ljóðahátíðinni í Populus Tremula. Þá lásu upp skáldin, Hermann Stefánsson, Óskar Árni Óskarsson, Bragi Ólafsson og Ingibjörg Haraldsdóttir las ljóð Kristínar Ómarsdóttur, sem forfallaðist.

Takk fyrir. Stórt.

Ljóðafyrirlestrar á Möðruvöllum

2010-04-18T16:53:00.001Z

Laugardaginn 17.4. var ekið sem leið lá að Menningarsetrinu á Möðruvöllum í Hörgárdal til að hlýða á fyrirlestra Hauks Ingvarssonar og Magnúsar Sigurðssonar um ljóðlist. Þetta var að sjálfsögðu liður í Litlu Ljóðahátíðinni og sem slíkt stórt.

Litla Ljóðahátíðin; föstudagskvöld.

2010-04-17T12:34:00.001Z

Litla Ljóðahátíðin var sett í annað sinn í Populus Tremula föstudagskvöldið 16. apríl. Ljóðið á sína aðdáendur því fjölmennt var í Populus. Veg og vanda af hátíðinni höfðu þeir Hjálmar Brynjólfsson og Gunnar Már. Þetta fyrsta kvöld komu fram skáldin : Elísabet Jökulsdóttir, Vilborg Dagbjartsdóttir, Sigurður Pálsson og Ingibjörg Haraldsdóttir. Þetta var stórt.

Tónleikar í Populus

2010-04-05T11:39:00.001Z

Laugardagskvöldið 3.4. 2010 voru tónleikar á rólyndislegu nótunum í Populus Tremula. Fram komu Sick Bird með Populusmanninn Konna Bartch í broddi fylkingar og söngkonan Tinna Marína ásamt félögum sínum Daníel og Leifi, Konni kom þar og við sögu. Þetta var hin þægilegasta kvöldstund með brosi á brún og brá.